amdanom ni
beth ydyn ni’n ei wneud
dosbarthiadau
Dosbarthiadau amlddisgyblaethol, prosiectau allgymorth cymunedol, cyfleoedd hyfforddi a gweithdai ar hyd ac ar led Cymru a thu hwnt.
academi
Rhaglen datblygu artistiaid sy’n darparu cyfle cynhwysol unigryw i fyfyrwyr ddatblygu’n artistig a chyflawni eu potensial er mwyn llunio dyfodol cadarnhaol, creadigol.
asiantaeth
Rheoli artistiaid, castio, curadu ac ymgynghori.
cynyrchiadau
Gwaith perfformio arloesol aml-lwyfan sy’n agor cyfleoedd newydd.
gwledigaeth
Ein cenhadaeth yw dathlu gogoniant amrywiaeth a chreu gofod lle gall ein cymuned fynegi eu hangerdd a sicrhau llwyddiant. Rydym wedi ymroi i alluogi symudedd cymdeithasol a darparu profiadau trawsnewidiol i unigolion a chymunedau. Rydym yn benderfynol o sicrhau bod y genhedlaeth nesaf o arweinwyr artistig yn adlewyrchu’r Gymru gyfoes, fodern.
gwerthoedd
cyfle
Adeiladu llwyfannau sy’n cefnogi, yn meithrin ac yn arfogi pobl greadigol yr yfory.
cymuned
Grymuso cymunedau ymylol a chwyddo lleisiau sydd heb gynrychiolaeth ddigonol.
gwelededd
Adeiladu llwyfannau ar gyfer talent amrywiol er mwyn herio stereoteipiau a chymryd cyfrifoldeb dros eu hadroddiadau eu hunain.
cydweithio
Ymuno ag unigolion talentog a mentrau sy’n gyrru diwylliant yn ei flaen.
creadigrwydd
sbrydoli eraill i ddefnyddio creadigrwydd er mwyn ymgysylltu a meithrin cyswllt.
mynegiant
Credwn fod gan bawb yr hawl i ryddid artistig a’i alluoedd trawsnewidiol.
black lives matter
Mae hiliaeth yn brofiad byw bob dydd i lawer o’n staff, ein myfyrwyr a’n rhwydwaith. Mae ein gwaith yn creu newid ystyrlon yn y diwydiannau creadigol yn ogystal ag ym mywydau unigol y bobl ifanc y byddwn yn eu mentora. Rydym yn gweithio i gael gwared ar rwystrau cymdeithasol, economaidd, daearyddol ac ariannol er mwyn sicrhau cyfle cyfartal i bawb. Rydym wedi sefyll gyda’n cymuned i ymladd yn erbyn hiliaeth systemig a bwriadwn wneud hynny bob amser, ac felly byddwn yn parhau i weithredu fel na fydd y genhedlaeth nesaf yn wynebu’r un gwahaniaethu, anghydraddoldeb ac anghyfiawnder ag sy’n bodoli heddiw.
ein stori ni
“Dechreuodd y cyfan trwy sefydlu cwmni dawns a fyddai’n gallu perthyn i’r gymuned; gofod lle rydych chi’n teimlo eich bod chi’n perthyn.” Liara Barussi, Cyfarwyddwr Artistig a Sylfaenydd.
Mae Jukebox Collective, a sefydlwyd yn 2001 gan Liara Barussi, yn benllanw dros 15 mlynedd o brofiad o weithio’n agos gyda chymunedau amlddiwylliannol a meithrin cysylltiadau yn y diwydiannau creadigol. Rydym wedi tyfu o fod yn gwmni dawns ar lawr gwlad i gwmpasu amrywiaeth o arferion creadigol, gan gynnwys rhaglen gelf amlddisgyblaethol sy’n buddsoddi yn y tymor hir er mwyn meithrin talent ifanc a chynnig cyfleoedd iddyn nhw ddatblygu gyrfaoedd yn y sector creadigol. Mae Jukebox, sydd bellach wedi’i leoli yn Nhre-biwt, rhan o Gaerdydd sy’n gartref i rai o’r cymunedau Du Prydeinig hynaf ym Mhrydain, ar flaen y gad o ran helpu i ddatblygu newid strwythurol ym myd y celfyddydau, ac mae’n chwarae rhan annatod yn natblygiad creadigol pobl ifanc yng Nghymru. Rydym yn parhau i feithrin rhwydwaith o unigolion creadigol Cymreig, gan roi llwyfan i leisiau a safbwyntiau ieuenctid lleiafrifol, ynghyd â defnyddio ein llwyfan personol i hyrwyddo eu gwaith.
I gydnabod ein gwaith uchel ei safon a’n heffaith gymdeithasol, yn 2017 ni oedd y sefydliad cyntaf a’r unig sefydliad dan arweiniad Pobl Ddu i dderbyn cyllid gan Gyngor Celfyddydau Cymru fel un o’i sefydliadau Portffolio Celfyddydau Cenedlaethol. Gyda’n hanes o ddatblygu gwaith sy’n ymgysylltu’n gymdeithasol â phobl ifanc ac sy’n cynrychioli diwylliant cyfoes Cymru, mae ein portffolio eang wedi ein gweld ni’n partneru â nifer o grwpiau a sefydliadau ysbrydoledig, o Gymru draw i Orllewin Affrica. Wrth i ni barhau i dyfu, rydym yn aros yn driw i’n gwerthoedd craidd ac yn ymdrechu i sicrhau dyfodol teg i bawb.
