Archifau: Productions

Cyflwynodd sioe arddangos Jukebox Academi 2019 gyfres o weithiau creadigol gan ein hartistiaid ifanc datblygol. Dan gyfarwyddyd Liara Barussi, bu’r myfyrwyr yn gweithio gyda dawns, cerddoriaeth, theatr, set, gwisgoedd a drama er mwyn creu sioe arddangos amlddisgyblaethol oedd yn rhoi sylw i’w doniau unigol.

“Un o’m llwyddiannau mwyaf oedd canu fy narn unigol yn y sioe ddiwedd blwyddyn. Fe wnes i berfformio o flaen cynulleidfa anhygoel, ac fe ges i gefnogaeth ryfeddol gan y tiwtoriaid.” Tianah Scanlon McKeith.

Ysbrydolwyd darn personol Shakira Ifill gan draddodiadau diwylliannol Japan. Gan ddefnyddio propiau a gwisgoedd hardd, cludodd Shakira gynulleidfaoedd i Kyoto, gan asio’r traddodiadol gyda’r modern ?? .

Perfformiodd Jo-el Bertram ar y llwyfan gyda’r estheteg leiaf posibl. Gwisg ddu, goleuadau tywyll, symudiad pwerus. Cymerodd ysbrydoliaeth o’r ffilm Karate Kid a chymhwysodd hyn i’w symudiadau. Archwiliodd hefyd y berthynas rhwng mentor a disgybl.

Ail-greodd Renae Brito ‘Maddie Ziegler’ yn Sia’s ‘Big Girls Cry’. Yn ddewr iawn, dewisodd Renae ymgymryd â choreograffi eiconig Ryan Heffington, trwy gyfres emosiynol o ymadroddion wyneb oedd yn newid yn gyflym.

Creodd Patrik Gabco set ddireidus oedd yn amlygu ei arddull ‘popping’ arwyddnodol trwy berfformiad chwareus.

Cyfarwyddwyd gan Liara Barussi

Coreograffi gan Reuel Elijah, Kate Morris, Ramlle Williams, Brooke Milliner, Georgia a Darnell Williams

Ysgrifennwyd a Chyfarwyddwyd y Darnau Drama gan Tristan Fynn-Aiduenu

Mae ‘Disjointed’ yn stori am Ddoli weindio fecanyddol sy’n cael ei gweithredu gan y Rheolwyr, sy’n derbyn eu cyfarwyddiadau gan ‘The System’. Hi yw’r ddiddanwraig berffaith, bob amser yn gwenu ond gyda thristwch dwfn i’w weld yn ei llygaid. Mae hi’n hiraethu am ryddid, i symud a mynegi ei hun ac i ddarganfod ble mae hi’n perthyn. Mae’r darn, sy’n cyffwrdd â syniadau o gyswllt a datgyswllt, rheolaeth a’r rolau sy’n cael eu chwarae gennym mewn cymdeithas, yn ein cymell i ystyried goblygiadau technolegau deallusrwydd artiffisial (AI) newydd a’r hyn y mae’n ei olygu i fod yn ddynol.

Dylanwadwyd gan ffotograffiaeth hyfryd Tim Walker a’i asio â dull arwyddnodol cynyrchiadau Jukebox Collective.

Cyfarwyddwyd gan Liara Barussi

Perfformiwyd gan Jodelle Douglas, Sharifa Tonkmor a Kate Morris

Coreograffi gan Liara Barussi

Dyluniad Set gan Phillip Cooper

Coreograffi Ychwanegol gan Jodelle Douglas, Kate Morris a Sharifa Tonkmor

Cyflwynwyd yn wreiddiol ar Lwyfan Dawns Cymru yn 2016