News Posts
This year we celebrated 10 years since Jukebox Juniors competed in Got to Dance! The success of Jukebox Juniors brought us a global audience, with the show airing in many countries across the world. We loved representing Cardiff on the show, and sharing this video brought back memories for many in our community!
Sesiwn arddangosfa flynyddol yr Academi yw uchafbwynt y flwyddyn; cynhyrchiad llawn, cyffrous, sy’n rhoi cyfle i fyfyrwyr arddangos eu prosiectau a dathlu eu gwaith caled. Yn ystod ein sesiwn arddangos yn 2020, fe wnaethom ni rywbeth nad ydym erioed wedi’i wneud o’r blaen – cynnal ein dathliadau ar-lein!
Roedd ein myfyrwyr wedi bod yn gweithio o bell ar eu darnau diwedd blwyddyn yn ystod y cyfnod clo, gan dderbyn sesiynau rhith-fentora a dosbarthiadau gan ein tiwtoriaid a’n mentoriaid ymroddedig. Fe wnaeth y myfyrwyr gysyniadu a ffilmio eu darnau eu hunain gyda’n help ni, gan greu gweithiau hyfryd ac unigryw mewn ystod o gyfryngau – o ddawns, i air llafar, i’r celfyddydau gweledol. Ysbrydolwyd llawer o ddarnau ein myfyrwyr gan yr hinsawdd wleidyddol a’r mudiad Mae Bywydau Duon o Bwys/Black Lives Matter, gan arwain at gysyniadau pwerus oedd yn caniatáu iddynt archwilio eu treftadaeth, eu hunanfynegiant ac i gynnig sylwadau ar ddigwyddiadau hanesyddol.
Ar Zoom, cynhaliwyd premier preifat gennym ar gyfer ffrindiau a theulu, ac yna fersiwn gyhoeddus o’r sesiwn arddangos a fynychwyd gan lawer o greadigion lleol ynghyd â gweithwyr proffesiynol yn y diwydiant. Bu’r arddangosfa yn llwyddiant ysgubol, ac roedd yn cynnwys perfformiadau byw a sawl premier o fideos myfyrwyr yr Academi, yn ogystal â rhoi llwyfan i westai arbennig, sef yr artist cerdd lleol, B Written. Drwy gydol y digwyddiad, roedd y gefnogaeth galonogol yn amlwg yn yr holl sylwadau a dderbyniwyd gan y mynychwyr yn y blwch sgwrsio a’n sianeli cyfryngau cymdeithasol. Ymhlith rhai o’n hoff sylwadau mae:
“Llongyfarchwch eich holl griw talentog ar eu gwaith neithiwr. Roedd yn wirioneddol ysbrydoledig ac roedd yr ystod o ffurfiau celf yn rhywbeth arall. ”- Michael Waters, Coleg Brenhinol Cerdd a Drama Cymru.
“Noson anhygoel gyda Jukebox Collective – rydych chi’n ysbrydoliaeth bobl! Gwnaeth eich gwaith i mi wenu a chrïo, ac o’r fath dalent! Wedi gwirioni ar bob eiliad.” – Catherine Young, Dawns i Bawb
Sesiwn arddangosfa flynyddol yr Academi yw uchafbwynt y flwyddyn; cynhyrchiad llawn, cyffrous, sy’n rhoi cyfle i fyfyrwyr arddangos eu prosiectau a dathlu eu gwaith caled. Yn ystod ein sesiwn arddangos yn 2020, fe wnaethom ni rywbeth nad ydym erioed wedi’i wneud o’r blaen – cynnal ein dathliadau ar-lein!
Roedd ein myfyrwyr wedi bod yn gweithio o bell ar eu darnau diwedd blwyddyn yn ystod y cyfnod clo, gan dderbyn sesiynau rhith-fentora a dosbarthiadau gan ein tiwtoriaid a’n mentoriaid ymroddedig. Fe wnaeth y myfyrwyr gysyniadu a ffilmio eu darnau eu hunain gyda’n help ni, gan greu gweithiau hyfryd ac unigryw mewn ystod o gyfryngau – o ddawns, i air llafar, i’r celfyddydau gweledol. Ysbrydolwyd llawer o ddarnau ein myfyrwyr gan yr hinsawdd wleidyddol a’r mudiad Mae Bywydau Duon o Bwys/Black Lives Matter, gan arwain at gysyniadau pwerus oedd yn caniatáu iddynt archwilio eu treftadaeth, eu hunanfynegiant ac i gynnig sylwadau ar ddigwyddiadau hanesyddol.
Ar Zoom, cynhaliwyd premier preifat gennym ar gyfer ffrindiau a theulu, ac yna fersiwn gyhoeddus o’r sesiwn arddangos a fynychwyd gan lawer o greadigion lleol ynghyd â gweithwyr proffesiynol yn y diwydiant. Bu’r arddangosfa yn llwyddiant ysgubol, ac roedd yn cynnwys perfformiadau byw a sawl premier o fideos myfyrwyr yr Academi, yn ogystal â rhoi llwyfan i westai arbennig, sef yr artist cerdd lleol, B Written. Drwy gydol y digwyddiad, roedd y gefnogaeth galonogol yn amlwg yn yr holl sylwadau a dderbyniwyd gan y mynychwyr yn y blwch sgwrsio a’n sianeli cyfryngau cymdeithasol. Ymhlith rhai o’n hoff sylwadau mae:
“Llongyfarchwch eich holl griw talentog ar eu gwaith neithiwr. Roedd yn wirioneddol ysbrydoledig ac roedd yr ystod o ffurfiau celf yn rhywbeth arall. ”- Michael Waters, Coleg Brenhinol Cerdd a Drama Cymru.
“Noson anhygoel gyda Jukebox Collective – rydych chi’n ysbrydoliaeth bobl! Gwnaeth eich gwaith i mi wenu a chrïo, ac o’r fath dalent! Wedi gwirioni ar bob eiliad.” – Catherine Young, Dawns i Bawb
Cafodd Carnifal Tre-biwt ei lwyfannu gyntaf yng nghanol y 1960au, ac roedd yn dathlu diwylliant a threftadaeth gerddorol Cymru amlddiwylliannol. Mae gwreiddiau’r digwyddiad eiconig hwn yn mynd yn ôl i ran gyntaf yr 20fed Ganrif, pan fu morwyr o Affrica, India’r Gorllewin a mannau eraill yn arwain perfformiadau a gorymdeithiau byrfyfyr ar y strydoedd. Ysbrydolodd hyn draddodiad o weithgareddau diwylliannol a chymdeithasol a ddaeth i siâp yng Ngharnifal blynyddol Tre-biwt.
Trwy orymdeithiau, perfformiadau, gweithdai a gweithgareddau, roedd y Carnifal yn cynrychioli ysbryd cymunedol Tre-biwt, canolbwynt amlddiwylliannedd lle’r oedd pobl o wahanol gefndiroedd yn byw’n gytûn, er gwaethaf gelyniaeth a hiliaeth. Dros y 40 mlynedd nesaf, denodd y carnifal ddegau o filoedd o bobl i Gaerdydd ac fe dyfodd mor boblogaidd â charnifalau Affro-Caribïaidd eraill y DU, e.e. Notting Hill a St Paul’s.
Roedd y perfformwyr yn y carnifal yn gymysgedd o fandiau lleol, systemau sain, cerddorion ac enwogion, ac y neu plith Aswad, Musical Youth, Bo Diddley, Tipper Ire, Roots & Branches a The Little Butes. Hyd heddiw, mae pobl leol yn siarad yn annwyl am eu hatgofion am y Carnifal fel uchafbwynt eu hafau wrth dyfu i fyny, bob blwyddyn, boed law neu hindda.
Ar ôl bwlch o 16 mlynedd, cafodd Carnifal Tre-biwt ei adfywio gan y gymuned yn 2014 a hynny mewn ymateb i alw lleol ac mae bellach wedi’i sefydlu’n gadarn fel digwyddiad blynyddol i ddathlu hanes cyfoethog diwylliant Affrica a’r Caribî.
I ddysgu mwy am y Carnifal:
Cofio Carnifal Tre-biwt: Cynyrchiadau 14th Floor Productions https://www.youtube.com/watch?v=zcnjV2Tvnbc)
Rhaglen Ddogfen Carnifal Tre-biwt: Cynyrchiadau Big Scott Radio a It’s My Shout (dolen https://www.youtube.com/watch?v=EelJuOhxk8E&t=27s)
Lluniau o BBC Cymru, Simon Campbell a Hanes Cerdd Caerdydd
Ein hoff ddarn yw’r uchafbwynt sy’n sôn am Ysgol Gynradd Mount Stuart. Mae’n rhoi sylw i Bennaeth Du Cyntaf Cymru, sef Betty Campbell oedd yn Hyrwyddwraig Amlddiwylliannedd. Fe’i ganed ym 1934 i deulu dosbarth gweithiol yn Nhre-biwt ac fe oresgynnodd Betty rwystrau a hiliaeth a bu’n gyfrifol am greu hanes gan osod diwylliant Du ar ei chwricwlwm yng Nghaerdydd.
Bu myfyrwyr yr Academi yn siarad â Teledu Caerdydd/Cardiff TV am sut maen nhw’n parhau i ddawnsio ac aros yn greadigol, er gwaethaf Covid-19.
Maen nhw’n siarad am eu huchafbwynt ar-lein; taith ddigidol er mwyn cysylltu â phobl greadigol yn Ghana. Cafodd y myfyrwyr gyfle i gwrdd, siarad a dysgu popeth am y llwyfannau dawns, ffasiwn a byd-eang mwyaf anhygoel ar-lein a adeiladwyd gan rai o’r bobl ifanc creadigol mwyaf dylanwadol yng Ngorllewin Affrica. Gwnaethom weithio mewn partneriaeth â Dance God Lloyd er mwyn darparu gweithdy Dawns Affro ar gyfer myfyrwyr. Dance God Lloyd sefydlodd y ddawns “agbelemi” yn ogystal â’i gasgliad dawns DWP Academy.
Nesaf, gwahoddwyd Joey Lit, Sylfaenydd a Chyfarwyddwr Creadigol Free The Youth gennym. Fe gysyllton ni dros ddeg ar hugain o fyfyrwyr ar gyfer sesiwn holi-ac-ateb ar-lein lle rhoddodd Joey gipolwg i ni ar lansio ‘pwerdy’ creadigol a mudiad ieuenctid sy’n grymuso’r genhedlaeth nesaf.
Mae Ghana yn parhau i osod y tempo fel deorydd ar gyfer rhai o’r talentau creadigol mwyaf arloesol. Fel rhan o Gronfa Symudedd Celf Cymru y Cyngor Prydeinig, llwyddasom i dderbyn cyllid ar gyfer taith gwmpasu i’r brifddinas, Accra. Cawsom ein denu at Accra, oherwydd ei hamrywiaeth a’i hegni dramatig ac roeddem yn awyddus i archwilio potensial partneriaethau a chydweithrediadau newydd. Yn ystod ein taith cawsom gyfle i gyfarfod â thros 15 o unigolion a sefydliadau, gyda’r nod o gyfoethogi’r ddwy ochr a hwyluso croes-beillio.
Fe gwrddon ni â DWP Academy yn eu gofod ymarfer yn Djorwulu lle maen nhw’n dysgu dosbarthiadau cymunedol a lle maen nhw’n ffilmio’r rhan fwyaf o’u dawnsiau feirysol. Fe’u sefydlwyd gan Dance God Lloyd ac Afrobeast; mae’r grŵp dawns hwn ar flaen y gad ym maes yr Affro-ddawns ac mae ganddyn nhw bresenoldeb byd-eang ar-lein a heriau dawns eiconig. Roedd hi’n bwysig inni gysylltu â dechreuwyr y symudiadau hyn ac i gydweithio â’r artistiaid hyn wrth ystyried sut i ddod â’r ffurf ddiwylliannol gyfoethog hon ar gelfyddyd i Gymru.
Wedyn, fe wnaethon ni gysylltu â Joey Lit a Kelly, sylfaenwyr Free The Youth Ghana. Mae’r grŵp hwn yn arwain y ffordd i ymgysylltu â’r alltudion a chyflwyno llun o Affrica sy’n herio ystrydebau. Mae eu label dillad stryd cwlt wedi ennill sylw lleol a rhyngwladol, ac mae eu cynlluniau ar gyfer y dyfodol yn mynd â nhw ar daith gyffrous, gan rymuso ieuenctid ar draws y byd.
Fel y rhai sy’n cymryd risg, mae artistiaid ifanc yn Ghana yn cychwyn mudiadau heb aros am ddilysiad nac arweiniad, ond yn lle hynny yn defnyddio adnoddau cymunedol ac ar-lein i arwain ei gilydd, rhannu gwybodaeth a chreu gwerth am eu gwaith. Roedd ein taith yn cynnwys sgyrsiau gyda’r creadigion Nana Yaw Oduro, yr artist gweledol Hakeem Adam, y cyfarwyddwr Nana Akosua Hanson, yr artist symudiadau Kwame Boafo yn Accra (dot) Alt y cerddor Fuse ODG a’r artist Kuukua Eshun a gyd-sefydlodd Boxed Kids gyda Prince Gyasi.
I gael gwybod mwy am y sȋn ddawns yn Accra cawsom ein cyflwyno i’r dawnswyr Shelly Ohene Nyako, Jeff Washington yn ogystal ag Incredible Zigi a sefydlodd AfroZig ac sy’n adnabyddus am greu’r Pilolo.
Ymhlith y sefydliadau eraill oedd yn gweithredu newid ar draws y wlad y buom ni’n cyfnewid â nhw roedd The First Creatives ac Accra Theatre Workshop.
Mae’r ymweliad wedi tanio cysylltiadau ystyrlon newydd y byddwn yn parhau i’w harchwilio.
Liara Barussi (Artistic Director) & Lauren Patterson (Strategic Director) in Ghana, April 2019.
Fel sefydliad dan arweiniad Pobl Ddu sydd wedi’i leoli yn Nhre-biwt, Caerdydd, ein nod yw gwireddu hunan benderfyniad yn achos cymunedau lleiafrifol ar draws Cymru gyfan trwy gydnabod a dathlu harddwch amrywiaeth a chreu gofod lle gall ein cymuned fynegi eu hangerdd a sicrhau llwyddiant.
Mae hiliaeth yn brofiad byw bob dydd i lawer o’r myfyrwyr, tiwtoriaid a chreadigion rydyn ni’n gweithio gyda nhw – o’r digwyddiadau amlycaf sydd â chymhelliant hiliol i’r micro-ymosodiadau cynnil. Rydym yn byw mewn cymdeithas sydd wedi’i strwythuro gan anghyfiawnder hiliol; yng Nghymru mae hyn yn cael effeithiau dwys ar allu cael at gyfleoedd cymdeithasol ac economaidd yn ogystal ag iechyd a lles personol. Ein gwaith beunyddiol yw creu newid, yn y diwydiannau creadigol yn ogystal ag ym mywydau unigol y bobl ifanc rydyn ni’n eu mentora. Rydym bob amser wedi, ac fe fyddwn yn parhau i sefyll gyda’n cymuned i ymladd yn erbyn gormes hanesyddol a hiliaeth systemig.
Mae datgymalu systemau gormes yn gofyn am ymroddiad ac ymrwymiad – rydyn ni yma, rydyn ni’n cefnogi’r mudiad #blacklivesmatter heddiw ac i’r dyfodol. Byddwn yn parhau i weithio fel na fydd y genhedlaeth nesaf yn wynebu’r un gwahaniaethu, anghydraddoldeb ac anghyfiawnder ag sy’n bodoli heddiw.
Er mwyn llywio ac addysgu ein cynulleidfaoedd, rydym wedi casglu rhestr gynyddol o adnoddau sy’n cynnwys sefydliadau i’w cefnogi, deunyddiau darllen, podlediadau, ffilmiau a mwy.
Mynediad trwy Google docs
Mewn cydweithrediad arbennig, cynhaliodd sefydliadau cerddoriaeth a digwyddiadau llawr gwlad lleol sef y Rotary Club & Blue Honey ddigwyddiad ffrydio trwy’r dydd ar-lein i godi arian er mwyn cefnogi ein dosbarthiadau ar-lein yn ogystal â’r elusen Oasis Caerdydd sy’n cefnogi ffoaduriaid.
Roedd y digwyddiad 11am-11pm yn cynnwys detholiad wedi’i guradu o DJs fel Esther, Sam Jones, Andy Warphole a mwy o synau eclectig troellog o gysur eu cartrefi hwy eu hunain. Trwy gydol y dydd, i gyd-fynd â llif y gerddoriaeth, cafwyd perfformiadau gan ddawnswyr Jukebox, e.e. ein tiwtor dosbarth Ramelle Williams yn torri siapiau o’i ardd. Diolch enfawr i’r Clwb Rotari a Blue Honey am godi arian i’n helpu i barhau â’n dosbarthiadau ar-lein trwy gydol y cyfnod clo!
Roedd #DancePassion yn ddathliad ledled y DU o’r sȋn ddawns lewyrchus, mewn cydweithrediad â’r BBC ac One Dance UK, ac roedd yn cynnwys ymarferion unigryw a mewnwelediadau gan rai o brif ymarferwyr y wlad. Cafwyd perfformiad egnïol iawn wedi’i ysbrydoli gan Affro-ddawns gan fyfyrwyr Academi Jukebox, cyflwyniad gyda’n Cyfarwyddwr Artistig, Liara Barussi yn gyfrifol am y coreograffi.
Gwyliwch ein perfformiad llawn isod.
Roedd y diwrnod yn cynnwys dros 20 o ffrydiau byw ysbrydoledig o Abertawe, Birmingham, Leeds, Belfast a Llundain, ac yn arddangos ystod o arddulliau gan amrywiaeth o berfformwyr a chydweithfeydd, megis NDC Wales, Rambert, The National Youth Dance Company a mwy. Fel rhan o’r digwyddiad, archwiliwyd gwyddoniaeth dawns wrth i’r Birmingham Royal Ballet gynnal arbrawf byw i ddangos sut mae olrhain symudiadau 3D yn cael ei ddefnyddio i wthio ffiniau mewn coreograffi, yn ogystal ag i amddiffyn dawnswyr rhag anaf. Rydyn ni wrth ein bodd ein bod wedi bod yn rhan o ddigwyddiad mor greadigol ac arloesol sydd ar flaen y gad ym myd dawns yn y DU.
