Archifau: Works

Ar gyfer 2020, creodd Dazed and Converse y Dazed 100 Ideas Fund gwerth £50k er mwyn cefnogi cenhedlaeth newydd o dalent. Dyfarnwyd grant gan y 4 Dazed 100ers, cynhaliwyd 4 diwrnod o sgyrsiau a gweithdai ganddynt fel rhan o The Dazed 100 Academy. Daeth Deba, Beabadoobee, Danika Magdelena a Joy Crookes â’u prosiectau’n fyw gyda gweithdai oedd yn amrywio o ddawns i sgyrsiau panel.

Mae Deba yn gyn-fyfyrwraig Academi Jukebox ac mae hi bellach yn fodel ac yn actifydd anhygoel. Fel rhan o brosiect Deba, bu Jukebox Collective yn cyd-guradu gweithdy dawns grymusol a gyflwynwyd gan y Cyfarwyddwr Artistig, Liara Barussi.

“Mae Liara yn ddynes anhygoel ar y naw ac mae wedi chwarae rhan allweddol yn fy nhaith,” meddai Deba, gan addo y bydd Liara yn “dangos i bawb gymaint o hwyl a pha mor dyrchafol y gall dawnsio fod.”

I ddathlu Carnifal Notting Hill 2020, buom yn gweithio mewn partneriaeth â Let’s Go Do i guradu perfformiad arbennig ar gyfer gweithgareddau ar-lein y carnifal – Jukebox Collective yn cyflwyno: Reuel Elijah x Love & Harmony. Aethom â’r rapiwr lleol Reuel Elijah a DJ Love a Harmony Sounds sy’n aelod o deulu Jukebox i Dre-biwt — calon diwylliant y Carnifal a’r Caribî yng Nghymru — i ffilmio set unigryw, oedd yn cynnwys perfformiad cyntaf sengl newydd Reuel, “Straight Rum”.

Er bod y Carnifal yn edrych yn wahanol eleni, gyda’r holl ddigwyddiadau ‘personol’ wedi’u canslo a’u symud ar-lein, fe lwyddon ni i ddod â’r cyffro a dathlu diwylliant Du Prydeinig o Gymru. Fe wnaethon ni ymuno â phobl fel Koffee, Davido a bydd setiau cyn-recordio WSTRN yn cael eu ffrydio drwy’r platfform ar-lein LetsGoDo yn lle digwyddiadau bywiog penwythnos arferol y Carnival.

Mewn cydweithrediad â Superimpose, ymgynghorodd Asiantaeth Jukebox Collective ar gastio a churadu ar gyfer digwyddiad lansio Stormzy x Adidas Originals yn Llundain. Roedd y prosiect hwn yn ymwneud yn gyfan gwbl â chysylltu ysbryd creadigol â’r gymuned y mae’n deillio ohoni. Gwahoddwyd myfyrwyr o 800 o ysgolion ar draws Llundain, ynghyd â gwesteion o grwpiau cymunedol, i berfformiad theatrig byrfyfyr oedd yn cynnwys perfformiad gan Stormzy.

Daethom o hyd i bedwar grŵp ieuenctid lleol a’u briffio er mwyn iddynt greu ailddehongliadau arloesol o ganeuon poblogaidd Stormzy. Act ddirybudd oedd pob un, yn ffrwydro allan o’r gofod trwy oleuadau deinamig a lluniau pwrpasol wedi’u taflunio. Mewn cyfres o berfformiadau 10 munud, arddangosodd cerddorfa, côr, grŵp drama a grŵp dawns dan arweiniad Pobl Ddu eu crefft i gerddoriaeth Stormzy, a cherddoriaeth Stormzy i’w crefft hwy, wedi’i blethu gan berfformiad gair llafar a roddodd fywyd i’r cysyniad ‘Homegrown Spirit’.